दक्षिण भारतीय अभिनेता प्रभासको फिल्म 'सलार' को दोस्रो ट्रेलर सार्वजनिक भएको छ।
केही साताअघि फिल्मको पहिलो ट्रेलर दोस्रो सार्वजनिक गरिएको थियो। सोमबार हम्बेल फिल्म्स युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा प्रभासको एक्सन दृश्यलाई समेटिएको छ।
फिल्मलाई 'केजिएफ' निर्देशक प्रशान्त नीलले निर्देशन गरेका हुन्। फिल्मको ट्रेलरले पनि 'केजिएफ' को झल्को दिन्छ।
फिल्ममा प्रभाससँगै श्रुति हासन, जगपति बाबु, टीनू आन्नद, पृथ्वीराज सुकुमारनलगायत कलाकारको अभिनय छ। प्रभास र प्रशान्तले यो फिल्ममार्फत पहिलो पटक सहकार्य गरेका हुन्।
यो फिल्म २२ डिसेम्बरदेखि प्रदर्शन हुनेछ।
