बलिउड अभिनेता बबी देओल फिल्म 'एनिमल' बाट अभिनयमा फर्किएका छन्।
यो फिल्ममा उनले खलनायक पात्र बनेर दर्शकको मन जितेका छन्। फिल्ममा उनले विवाह समारोहमा रक्सिको गिलास टाउकोमा राखेर नाचेको भिडिओ र गीत दुवै चर्चित भएको छ।
'जमात कुडु' बोलको गीत यतिबेला सामाजिक संजालमा जताततै भेटिन्छ। यो गीतमा रिल्स बनाउनेको संख्या २ मिलियन पुगेको छ। यो गीतमार्फत उनको फिल्ममा प्रवेश भएको थियो।
उनले आफ्नो इन्स्टाग्राममा भिडिओ सेयर गरेका छन्। 'जमात कुडु' मा रिल्स बनाउनेको संख्या २ मिलियन रहेको उनले बताएका छन्।
यो गीतमा रिल्स बनाउनेले बबीले फिल्ममा गरेजस्तै टाउकोमा गिलास राखेर नाचेका छन्। बलिउडका धेरै फिल्ममा मुख्य पात्र बनेर नायकको भूमिका गरेका उनी यो फिल्ममा खलनायक बनेर चर्चामा आएका हुन्।
