रोहित शेट्टीले निर्देशन गरेको वेब सिरिज 'इन्डियन पुलिस फोर्स' को टिजर सार्वजनिक भएको छ।
यो सिरिज ओटिटीमा १९ जनावरीदेखि रिलिज हुनेछ। टिजरमा अभिनेत्री शिल्पा शेट्टी, अभिनेता सिद्धार्थ मल्होत्रा र विवेक ओबरायलाई देख्न सकिन्छ।
टिजरमा शिल्पाले पेस्तोल बोकेर लडाइ गरेकी छन्। साथै सिद्धार्थ र विवेक पनि पुलिस अफिसरको रूपमा देखिएका छन्। टिजर हेर्दा वेब सिरिज देश सुरक्षाको लागि पुलिसले गरेको योगदानको भएको देख्न सकिन्छ।
निर्देशक रोहितले पुलिस फोर्ससम्बन्धी हिट बलिउड फिल्महरू बनाएका छन्। पछिल्लो समय रोेहितले निर्देशन गरेको फिल्म 'सिंघम अगेन' को छायांकन भइरहेको छ।
