यतिबेला बलिउड फिल्महरूले बक्स अफिसमा धमाका मचाइरहेको छ। शाहरूख खान, सनी देओल र रणवीर कपूरको फिल्मले यो वर्ष शानदार बनायो।
अब बलिउड अभिनेता रणवीर सिंह आफ्नो फिल्म प्रदर्शनको तयारीमा छन्। आगामी वर्ष उनको एक मात्र हाेइन चार फिल्म प्रदर्शन हुँदैछ।
उनले काम गरेका फिल्म यो वर्ष अन्य फिल्मभन्दा बलियो देखिएको छ। 'जायेशभाइ जोरदार' फिल्म फ्लप भएपछि उनी 'रकी और रानीकी प्रेमकहानी' फिल्ममा देखिएका थिए। 'पद्मावत, गोलियोंकी रासलीला राम-लीला, बाजीराव मस्तानी' लगायतको फिल्ममा काम गरिसकेपछि उनीप्रति दर्शकको आशा बढेको थियो।
उनी रोहित शेट्टीले निर्देशन गरेको फिल्म 'सिंघम अगेन' मा अभिनेता अजय देवगनसँगै देखिँदैछन्। फिल्ममा अक्षय कुमार, दीपिका पादुकोण र करीना कपूर खानलगायतको अभिनय छ। बलिउडका चर्चित कलाकार भएकोले यो फिल्म हिट हुने फिल्मकर्मीको आशा छ।
त्यस्तै 'सिम्बा २' मा पनि उनी देखिँदै छन्। यो फिल्मको पनि काम भइरहेको छ। उनी 'बैजू बावरा' फिल्ममा पनि देखिने भएका छन्। राम्रा फिल्म निर्देशन गर्दै आएका संजयलीला भंसालीले फिल्मको कथा पनि राम्रो बनाउने आशा छ।
यस्तै फरहान अख्तरको निर्देशनमा बन्न लागेको फिल्म 'डन ३' मा पनि उनी काम गर्न उत्साहित भएको देखिन्छन्। यी चार फिल्ममार्फत उनी बक्स अफिसमा धमाका मचाउने तयारीमा छन्।
