बलिउड फिल्म 'एनिमल' बाट चर्चामा छन् अभिनेता बबी देओल। यस फिल्ममा उनी खलनायकको पात्रमा देखेर चर्चामा आएका हुन्।
यस फिल्मपछि उनलाई दक्षिण भारतीय फिल्मबाट खलनायक पात्रको अफर आएको छ। दक्षिण भारतीय फिल्म 'कंगुवा' मा उनले खलनायकको भूमिका निर्वाह गर्ने भएका छन्। अभिनेता सूर्याको यो फिल्ममा मुख्य भूमिका हुनेछ।
यो फिल्मको टिजर गत अप्रिलमा रिलिज भएको थियो। साथै फिल्मको मुख्य पात्र सूर्याको फर्स्ट लुक सार्वजनिक गरिएको थियो। टिजर सार्वजनिक गरेपछि यस फिल्मका लागि दर्शक उत्साहित छन्।
सिवाले निर्देशन गर्न लागेको फिल्म ३२ भाषामा रिलिज हुनेछ। यो फिल्म २०२४ मा रिलिज हुने बताइएको छ। फिल्ममा दिशा पटानी र प्रकाश राजको पनि मुख्य भूमिका रहनेछ।
