यतिबेला बलिउड अभिनेत्री आलिया भट्ट फिल्म 'जिगरा' को छायांकनमा व्यस्त छिन्।
उनले सन् २०१२ मा 'स्टुडेन्ट अफ द इयर' फिल्मबाट अभिनय सुरू गरेकी थिइन्। सन् २०२२ मा प्रदर्शन भएको फिल्म 'गंगुबाई काठियावाडी' फिल्ममा काम गरेकी थिइन्।
यस फिल्मबाट उनले उत्कृष्ट अभिनेत्रीको राष्ट्रिय पुरस्कार पनि पाएकी थिइन्। फिल्ममा उनी मुम्बईकी माफिया क्विनको नामले चर्चित गंगुबाईको जीवनमा आधारित थियो। अब आलिया अर्को बायोपिक फिल्ममा देखिने भएकी छन्।
हंसल मेहता र उनीबीच नयाँ फिल्मको लागि कुराकानी भइरहेको भारतीय सञ्चारमाध्यम दैनिक जागरणमा उल्लेख छ। यो फिल्म एक समाचार वाचिकाको जीवनमा आधारित हुनेछ। हालसम्म फिल्मको नाम राखिएको छैन।
वासन बालाले निर्देशन गर्न लागेको फिल्म 'जिगरा' पछि उनी सञ्जयलीला भंसालीको फिल्म 'बैजू बावरा' देखिनेछिन्। यो फिल्ममा अभिनेता रणवीर सिंहको पनि मुख्य भूमिका रहनेछ।
