बलिउड अभिनेता शाहरूख खान अभिनीत फिल्म 'डंकी' को नयाँ गीत सार्वजनिक गरिएको छ।
सोमबार टि-सिरिज युट्युब च्यानलमार्फत 'ओ माही' बोलको गीत सार्वजनिक गरिएको हो। गीतको भिडिओमा शाहरूख खान र तापसी पन्नूलाई देख्न सकिन्छ।
अरिजित सिंहको स्वर रहेको गीतमा इशाद कामिलको र प्रितमको संगीत छ।
राजकुमार हिरानीले निर्देशन गरेको फिल्ममा शाहरूख र तापसीसँगै विक्की कौशल, बोमन इरानी, सतीश शाह, दीया मिर्जालगायत कलाकारको अभिनय छ।
इमिग्रेसनको विषय वस्तुमा केन्द्रित फिल्ममा निर्देशक हिरानी र गौरी खानको लगानी रहनेछ। बलिउड अभिनेता शाहरुख खान र निर्देशक राजकुमार हिरानी पहिलो पटक एकसाथ काम गर्दैछन्।
यो फिल्म २१ डिसेम्बरदेखि रिलिज हुँदैछ।
