बलिउड अभिनेता ऋतिक रोशन अभिनीत फिल्म 'फाइटर' को टिजर सार्वजनिक गरिएको छ।
शुक्रबार भायकम १८ स्टुडियो युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा एक्सन र रोमान्स देख्न सकिन्छ।
फिल्ममा ऋतिक रोशनसँगै दीपिका पादुकोण र अनिल कपूरको मुख्य भूमिका छ। उनीहरू स्क्वाड्रन लिडरको भूमिकामा देखिँदैछन्। फिल्ममा ऋतिक 'पैटी', दीपिका 'मिन्नी' र अनिल कपूर 'रकी' पात्रको भूमिकामा देखिँदैछन्।
यो फिल्म देशभक्ति भावनामा आधारित छ। फिल्म भारतको ७५ औं गणतन्त्र दिवसको अवसरमा २५ जनावरीमा रिलिज हुँदैछ।
