बलिउड अभिनेता विक्की कौशलको फिल्म ‘सामबहादुर’ ले बक्स अफिसमा राम्रो कमाइ गरिरहेको छ।
यो फिल्मको कमाइमा दिन प्रतिदिन सुधार आइरहेको छ। हिन्दी फिल्म बजार विश्लेषक तरण आदर्शका अनुसार फिल्मले तीन दिनमा २५ करोड ५५ लाख भारू कमाएको छ।
६ करोड २५ लाखमा ओपनिङ गरेको फिल्मले दोस्रो दिन ९ करोड र तेस्रो दिन १० करोड ३० लाख भारू कमाएको हो।
यो भारतीय सेनापति साम मनिक्साको बायोपिक फिल्म हो। फिल्ममा सन् १९७१ को भारत-पाकिस्तानको युद्धको परिवेशलाई देखाइएको छ।
मेघना गुल्जारले निर्देशन गरेको फिल्ममा विक्की कौशल, सान्या मल्होत्रा, फातिमा सना शेखलगायत कलाकारको अभिनय छ। फिल्ममा रोनी स्क्रूवालाको लगानी छ।
फिल्मको कथा भवानी ऐय्यर, शान्तनु श्रीवास्तव र मेघना गुलजारले मिलेर तयार पारेका हुन्।
