बलिउडका स्टार किड्स कुनै न कुनै कारण चर्चामा रहन्छन्। केही स्टार किड्सले बलिउडमा आफ्नो बलियो सहभागिता जनाएका छन्।
अभिनेता सैफ अली खान र अभिनेत्री अमृता सिंहकी छोरी हुन् सारा अली खान। उनी पछिल्लो समय बलिउडमा चर्चा बटुल्न सफल भएकी छन्। उनी युवापुस्तामा रूचाइएकी अभिनेत्री हुन्। उनीसँग अन्य स्टार किड्सले पनि आफ्नो अभिनयका कारण चर्चा बटुलेका छन्।
हेर्नुस् कुन स्टार किड्सले कति पढेका छन्-
अगस्त्य नन्दा
बलिउड अभिनेता अमिताभ बच्चन र अभिनेत्री जया बच्चनको नाती हुन् अगस्त्य। उनी फिल्म 'आर्चिज' मा देखिँदैछन्। उनले लण्डनको सेभेनोक्स स्कुलमा पढेका हुन्। तर उनको डिग्रीबारे खुलासा भएको छैन।
जाह्नवी कपूर
बलिउड अभिनेत्री श्रीदेवीकी छोरी जाह्नवीले मुम्बईमा पढेकी हुन्। उनले मुम्बईको धिरूभाइ अम्बानी इन्टरनेशनल स्कुलमा पढेकी थिइन्। यसपछि उनले लस एन्जलसको ली स्ट्रेसवर्ग थिएटर एक्टिङ कोर्स गरेकी हुन्।
आर्यन खान
बलिउड अभिनेता शाहरूख खानका छोरा आर्यनले लण्डन र क्यालिफोर्नियामा पढेका हुन्। उनले फाइन आर्ट, सिनेमेट्रिक आर्ट र टेलिभिजन प्रोडक्सन विषयमा डिग्री गरेका छन्।
नव्या नवेली नन्दा
अमिताभ बच्चनकी नातिनी नव्या आफ्नो फेसनको कारण सामाजिक संजालमा चर्चा बटुलिरहेकी छन्। उनले अहिलेसम्म बलिउडमा काम गरिसकेकी छैन। उनले फोर्डहम युनिभर्सिटीबाट डिजिटल टेक्नोलोजी विषयमा पढाइ गरेकी हुन्।
न्यासा देवगन
अभिनेता अजय देवगन र अभिनेत्री काजोलकी छोरी न्यासा बलिउडमा डेब्यू गर्ने तयारीमा छिन्। उनले सिंगापुरको गिलोन इन्स्टीट्युटबाट उच्च शिक्षा पुरा गरेकी हुन्। यसपछि उनी पढाइका लागि स्विट्जरल्यान्ड गएकी थिइन्।
अनन्या पाण्डे
अभिनेता चंकी पाण्डेकी छोरी अनन्या पछिल्लो समय युवापुस्तामा चर्चित छिन्। उनले पनि मुम्बईको धिरुभाइ इन्टरनेशनल स्कुलबाट पढेकी हुन्। उनले क्यालिफोर्नियाबाट स्नातक गरेकी छन्।
सुहाना खान
शाहरूख खानकी छोरी सुहानाले 'आर्चिज' फिल्मबाट डेब्यू गर्दैछिन्। योसँगै उनी विज्ञापनमा पनि देखेकी छन्। उनले न्युयोर्क युनिभर्सिटीबाट अभिनय विषयमा कोर्स गरेकी छन्।
सारा अली खान
सैफ अली खानकी छोरी साराले कोलम्बियाको युनिभर्सिटीबाट इतिहास र पोलिटिकल साइन्समा डिग्री गरेकी छन्।
