बलिउडकी चर्चित अभिनेत्रीको रूपमा चिनिन्छन् जुही चावला।
उनको पहिलो फिल्म हेरेपछि एक अभिनेताले उनीसँग बिहे गर्ने निर्णय गरेका थिए। जुही ९० दशककी चर्चित अभिनेत्री हुन्। उनलाई फिल्ममा कास्ट गर्न निर्देशकहरू पनि उत्साहित हुन्थे।
उनले 'कयामत' फिल्ममा अभिनय गरेपछि एक अभिनेताले उनीसँग प्रेम भएको बताएका छन्। उनीसँग प्रेम गर्ने अभिनेता हुन् आर माधवन। जुही र माधवनले हालै वेब सिरिज 'द रेलवे म्यान' मा एकसाथ काम गरेका थिए।
माधवनले एक अन्तर्वार्तामा जुहीसँग प्रेम भएको बताएका हुन्।
'मैले आफ्नो आमालाई जुहीसँग मात्र बिहे गर्छु भनेको थिएँ। तर जुही मभन्दा ठूली थिइन्। जसको कारण मेरो सपना अधुरो रह्यो,' उनले भने।
अभिनेता आमिर खान र जुहीको अभिनय रहेको फिल्म 'कयामत' लाई मन्सुर खानले निर्देशन गरेका हुन्। यो फिल्म बक्स अफिसमा सुपरहिट भएको थियो।
यो फिल्म प्रदर्शन हुँदा माधवनले अभिनय यात्रा सुरू गरेका थिएनन्। उनले टेलिभिजनमार्फत अभिनय यात्रा सुरू गरेका हुन्।
