बलिउड अभिनेता टाइगर श्राफको फिल्म 'गणपत' को टिजर सार्वजनिक भएको छ।
शुक्रबार पूजा इन्टरनेन्मेन्ट युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा टाइगर र कृति सेननको एक्सन दृश्य समावेश गरिएको छ।
विकास बहलले लेखन तथा निर्देशन गरेको फिल्ममा टाइगर, अमिताभ बच्चन र कृति सेननको मुख्य भूमिका छ। फिल्ममा टाइगर बक्सरको भूमिकामा देखिएका छन्।
बाशु भग्नानी, विकास बहल, दीपशिखा देशमुख र ज्याकी भग्नानी निर्माता रहेको फिल्ममा विराज सावन्त सह-निर्माता छन्।
यो फिल्म २० अक्टोबर अर्थात कार्तिक ३ गतेदेखि प्रदर्शन हुँदैछ।
टाइगर र कृतिले 'हिरोपन्ती' बाट एकसाथ बलिउड फिल्ममा डेब्यू गरेका थिए।
