अभिनेता राजेश हमालको फिल्ममा 'कमब्याक' पक्का भएको छ।
लामो समयपछि उनले दिवाकर भट्टराईको निर्देशनमा निर्माण हुन लागेको फिल्ममा काम गर्न लागेका हुन्।
एक्सन रिभेन्ज (बदला) कथामा बन्न लागेको यो फिल्मका लागि लामो समयदेखि राजेशसँग छलफल भइरहेको थियो।
राजेशले आइतबार बेलुका फेसबुकमा केही तस्बिरहरु राख्दै लामो अन्तरालपछि फिल्ममा काम गर्न लागेको उल्लेख गरेका छन्।
उनले लेखेका छन्, 'लामो अन्तरालपछि दिवाकर भट्टराईले निर्देशन गर्ने चलचित्रमा काम गर्दैछु।'
यसअघि उनलाई थुप्रै फिल्मको प्रस्ताव भए पनि काम गरेका थिएनन्।
