आशुतोष ध्वज कार्की लिखित तथा निर्देशित फिल्म 'जम्प' को प्रदर्शन मिति घोषणा गरिएको छ।
मंगलबार पोस्टर सार्वजनिक गर्दै फिल्मको प्रदर्शन मिति घोषणा गरिएको हो। यो फिल्म मंसिर २९ गतेदेखि प्रदर्शन हुनेछ।
यो फिल्म साइकोलोजिक थ्रिलर जनरामा बनेको हो। राष्ट्रिय धावक बनेका मुख्य पात्रलाई समय परिवर्तन गर्ने अलौकिक क्षमता प्राप्त हुन्छ। आफ्नो विगत्का दबाएर राखिएका अनुभूतिहरूले उसलाई पिरोल्न थाल्छन्। योसँगै आएका ट्विस्टहरू र भ्रष्टचारको जालो वरपर यो फिल्म रूमल्लिन्छ।
क्रियटिभ माकुरा मिडियाको ब्यानरमा निर्माण भएको फिल्ममा सरोज श्रेष्ठ, सन्देश शाक्य, बिनिता थापा मगर, मन्जिल जिसी, सगुन तामाङ, रोशनी स्याङबो, प्रवल कँडेल, शंकर महर्जनलगायत कलाकारको अभिनय छ।
विदेशी फिल्म फेस्टिभलमा आफ्नो दरिलो उपस्थिति जनाइसकेको फिल्मले नेपाली दर्शकलाई छुट्टै स्वाद दिने लेखक तथा निर्देशक आशुतोष ध्वज कार्कीले बताए।
फिल्ममा आशुतोष ध्वज कार्की, प्रसन थापा, देवेश राजकर्णिकार, अंकित सिंह, एन्जेलिका खत्री, निरोज महर्जन, विपिन कपाली, अरिश राजकर्णिकार, सम्राट खनाल र सुरज कटुवालको लगानी रहेको छ। गोविन्द शाहीले फिल्मको वितरण जिम्मा लिएका छन्।
