टीबी शाह मोमोरियल यू-१६ राष्ट्रिय क्रिकेट प्रतियोगितामा लुम्बिनी प्रदेशका मध्यक्रमका ब्याट्सम्यान रौनक श्रीवास्तवले दोहोरो शतक प्रहार गरेका छन्।
सुर्खेतको वीरेन्द्रनगर क्रिकेट मैदानमा गण्डकीविरूद्ध टस जितेर पहिले ब्याटिङ गरेको लुम्बिनीका लागि रौनकले २१७ रन बनाए।
उनले ११७ बलमा १६ चौका र १६ छक्का प्रहार गरे।
लुम्बिनीका लगि लक्ष्मण कुमालले ६० रन बनाउँदा टोली ४७ ओभरमा ४०३ रनमा अलआउट भयो।
नेपालको कुनै पनि घरेलु क्रिकेटको खेलमा बनेको यो सर्वाधिक स्कोर हो। यस्तै घरेलु राष्ट्रिय क्रिकेट पनि पहिलो पटक दोहोरो शतक प्रहार भएको हो।
एसिसी इस्टन रिजन यू-१६ प्रतियोगिताअघि भएको यो प्रतियोगितामा सात प्रदेशका यू-१६ टोलीले भाग लिएका छन्।
सुर्खेतमा भइरहेको प्रतियोगिता दुई मैदानमा सञ्चालन भइरहेका छन्।
यो प्रतियोगितापछि नेपाल ्क्रिकेट संघले यू-१६ टोली घोषणा गर्नेछ।
