गत सिजनका च्याम्पियन कोलकाता नाइट राइडर्स (केकेआर) आईपीएल २०२५ को प्लेअफ दौडबाट बाहिरिएको छ।
शनिबार बेंगलुरुको चिन्नास्वामी स्टेडियममा रोयल च्यालेन्जर्स बेंगलुरु (आरसीबी) विरुद्धको महत्त्वपूर्ण खेल लगातार वर्षाका कारण रद्द भएपछि केकेआरको प्लेअफ सम्भावना समाप्त भएको हो।
यो खेल रद्द हुँदा दुवै टिमले एक-एक अंक बाँडे। आरसीबीले १२ खेलबाट १७ अंक जोडेर अंक तालिकाको शीर्ष स्थानमा उक्लिएको छ, भने केकेआरले १३ खेलबाट मात्र १२ अंक जोड्न सक्यो, जुन प्लेअफमा पुग्न पर्याप्त थिएन। यो नतिजाले केकेआर चौथो टिमको रूपमा आईपीएल २०२५ बाट बाहिरिएको छ।
खेल शुरू हुनुअघि नै बेंगलुरुमा भारी वर्षा भएको थियो, जसले टसमा समेत ढिलाइ गरायो।
आरसीबीले यो अंकले प्लेअफ सम्भावना बलियो बनाएको छ। १७ अंकसहित शीर्ष स्थानमा रहेको आरसीबीले बाँकी दुई खेलमध्ये एक जितेमा प्लेअफ स्थान पक्का गर्नेछ। टिमले मे २३ मा सनराइजर्स हैदराबाद र मे २७ मा लखनऊ सुपर जायन्ट्सको सामना गर्नेछ।
