लुम्बिनी लायन्सले नेपाल प्रिमियर लिग (एनपिएल) का लागि भारतका नन्दन फाडनिसलाई मुख्य प्रशिक्षकको रूपमा नियुक्त गरेको छ।
भारतको गोवा क्रिकेट संघको प्रशिक्षक रहेका फाडनिसले नेपालको राष्ट्रिय क्रिकेट टोलीलाई पनि प्रशिक्षण गरिसकेका छन् ।
लुम्बिनीमा प्रशिक्षक नियुक्त भएपछि उनले खुसी व्यक्त गरेका छन्। उनले भने, 'लुम्बिनी लायन्स क्लबमा हेड कोचको रुपमा समावेश हुन पाउँदा अत्यन्तै उत्साहित छु। रोहित पौडेलको नेतृत्वमा लुम्बिनी लायन्सले उत्कृष्ट प्रदर्शन गर्दै विजय हासिल गर्नेछ भन्ने कुरामा म विश्वस्त छु।’
भारतको राष्ट्रिय क्रिकेट एकेडेमी (एनसिए) मा पनि प्रशिक्षण गरेको उनको अनुभवले टोलीले राम्रो प्रदर्शन गर्ने विश्वास व्यक्त गरेको छ।
लुम्बिनीको कल्सल्ट्यान्ट प्रशिक्षकमा नेपालका पूर्व क्रिकेटर शक्ति गौचन छन्।
