इंग्ल्याण्डका अलराउन्डर साइफ जइब नेपाल प्रिमियर लिग (एनपिएल) खेल्न नेपाल आउने भएका छन्।
उनलाई सुदुरपश्चिम रोयल्सले टोलीमा भित्र्याएको हो।
२६ वर्षीय जइबले इंग्ल्यान्डको राष्ट्रिय टोलीबाट नखेले पनि यू-१७ टोलीबाट खेलेका थिए।
उनले इंग्ल्यान्डको घरेलु क्रिकेटमा ७४ टी-२० र ३३ लिस्ट एका खेल खेलेका छन्।
यस्तै उनले इंग्ल्यान्डको ५९ वटा पहिलो श्रेणीको खेल खेलेका छन्।
उनी काउन्टी खेल्ने पहिलो १५ वर्षीय खेलाडी बनेका थिए। ब्याट्सम्यान र बायाँ हाते स्पिनरको रूपमा उनी उत्कृष्ट घरेलु खेलाडी मानिन्छन्।
सन् २०१५ को सिजनअघि उनले दुबईमा पाकिस्तान यू-१७ विरुद्ध इंग्ल्याण्डको अन्डर-१७ टोलीबाट खेलेका थिए। सो सिरिजमा लगातार तीन अर्धशतक बनाएका थिए।
आठ टोलीबीच हुने एनपिएल आगामी मंसिर १५ देखि कीर्तिपुरस्थित त्रिवि मैदानमा सञ्चालन हुनेछ।
