न्युजिल्यान्डका अलराउन्डर जेम्स निसम नेपाल प्रिमियर लिग (एनपिएल) खेल्न नेपाल आउने भएका छन्।
उनलाई जनकपुर बोल्ट्सले टोलीमा भित्र्याएसँगै टेस्ट राष्ट्रका दोस्रो खेलाडी एनपिएल खेल्न आउने पक्का भएको हो।
यसअघि पाकिस्तानका हुसेन तलातलाई कर्णाली याक्समा भित्रिएको थियो।
३४ वर्षीय जेम्सले भारतको आइपिएल टोली राजस्थान रोयल्यसहित पञ्जाब र मुम्बईबाट समेत खेलेका थिए। यस्तै उनले अस्ट्रेलियाको बिग ब्यास लिग, पाकिस्तान सुपर लिग, क्यारेबियन प्रिमियर लिग र बंगलादेश प्रिमियर लिग समेत खेलेका छन्। यस्तै उनले इंग्ल्यान्ड द हन्ड्रेड पनि खेलेका छन्।
उनले न्युजिल्यान्डबाट १२ टेस्ट, ७६ एकदिवसीय र ७९ टी-२० आइ खेलेका छन्।
आठ टोलीबीच हुने एनपिएल आगामी मंसिर १५ देखि कीर्तिपुरस्थित त्रिवि मैदानमा सञ्चालन हुनेछ।
