नेपाल प्रिमियर लिग (एनपिएल) टोली सुदूरपश्चिमको आधिकारिक नाम सुदूरपश्चिम रोयल्स हुने भएको छ।
सुदूरपश्चिम रोयल्सको स्वामित्व एम्पायर स्पोर्ट्स म्यानेजमेन्ट प्रालिमा रहेको छ।
सुदूरपश्चिमको मार्की खेलाडीका रुपमा राष्ट्रिय क्रिकेट टोलीका अलराउन्डर दीपेन्द्रसिंह ऐरी रहेका छन्।
टोलीले नामसँगै नयाँ लोगो पनि सार्वजनिक गरेको छ।
आगामी मंसिर १६ देखि पुस ६ सम्म हुने एनपिएलमा ८ टोलीबीच प्रतिस्पर्धा हुँदैछ।
लिगमा विराटनगर, जनकपुर, काठमाडौं, चितवन, लुम्बिनी, पोखरा, कर्णाली र सुदूरपश्चिमले भाग लिँदैछन्।
नेपाल क्रिकेट संघ (क्यान) ले लिगका लागि अक्सन प्रक्रिया अघि बढाइरहेको छ।
