काठमाडौं जिल्ला क्रिकेट संघको वार्षिक साधारणसभा सम्पन्न भएको छ।
संघको पाँचौं वार्षिक साधारणसभा आइतबार स्मार्ट दरबार शंकपार्कमा भएको हो।
प्रतियोगिताको उद्घाटन नेपाल लोकतान्त्रिक खेलकुद संघका अध्यक्ष देवेन्द्रकुमार शेरचन गरेका थिए।
यस्तै काठमाडौं जिल्ला क्रिकेट संघको कार्यसमिति सदस्य समेत रहेका नेपाल क्रिकेट संघका सचिव पारस खड्का र प्रवक्ता छुम्बी लामा पनि साधारणसभामा उपस्थित थिए।
साधरणसभाको उद्घाटनको दौरान जिल्ला अध्यक्ष दिवाकर घलेले संघले गत वर्ष गरेका कार्यक्रम र आगामी कार्ययोजना प्रस्तुत गरेका थिए।
उनले संघले गत वर्ष विभिन्न छनोट प्रतियोगिताका साथै जयकुमार नाथ साह स्मृति यू-१६ अन्तर विद्यालय प्रतियोगिता सम्पन्न गरेको बताए। साथै उनले आगामी वर्ष प्रतियोगितालाई थप व्यवस्थित बनाउने बताए।
उद्घाटनपछि बन्द शत्रमा गत वर्षको लेखा परिक्षण प्रतिवेदन समेत पारित भएको थियो।
