चितवनको रत्ननगर नगरपालिका ३ शान्तिचोकमा पिकअप भ्यानको ठक्करबाट चितवन खैरहनी नगरपालिकाको वडा नम्बर ५ का वडाध्यक्ष ४५ वर्षीय विश्व विजय महतको मृत्यु भएको छ। घटनामा परी २ जना गम्भीर घाइते भएका छन्।
आइतबार बेलुका साढे ८ बजे ना ३ च ९८ ४० नम्बरको पिकअप भ्यानले बा २ झ १३ ४४ नम्बरको सरकारी गाडीलाई ठक्कर दिएको थियो।
दुर्घटनामा गम्भीर घाइते महतको उपचारको क्रममा चितवन मेडिकल कलेजमा साँझ ९ बजे मृत्यु भएको जिल्ला प्रहरी कार्यालय चितवनले जनाएको छ।
दुर्घटनामा घाइते भएका खैरहनी नगरपालिका ४ का वडाध्यक्ष ५० वर्षीय नरेन्द्र अधिकारी र चालक खैरहनी १२ का २८ वर्षीय राजकुमार अधिकारीको सोही अस्पतालमा उपचार भइरहेको प्रहरीले जनाएको छ।
