सत्तारूढ दल नेपाली कांग्रेसले गठबन्धनबारे धेरै विकल्प अब नरहेको बताएको छ।
केन्द्रीय समितिको बैठकपछि सञ्चारकर्मीहरूसँग कुरा गर्दै नेपाली कांग्रेसका प्रवक्ता प्रकाशशरण महतले यस्तो बताएका हुन्।
कसैको बहुमत नरहेकाले गठबन्धनको धेरै विकल्प नरहेको उनले बताए।
सत्ता समीकरणमा विभिन्न खाले परीक्षण भइसकेको बताउँदै गठबन्धन भन्ने बित्तिकै सबैकुरा आफूले भनेको जस्तो नहुने उनले बताए।
गठबन्धनका विषयमा प्रतिकूल विचार नआएको उनले बताए।
संसदमा रहेका र पार्टीका नेताहरुमा अनुशासन नभएको कुरा केन्द्रीय समितिको बैठकमा आएको पनि उनले बताए।
उनले भने, ‘गठबन्धनको बारेमा त समग्रमा अब धेरै विकल्प हामीसँग छैन। कसैको बहुमत छैन। विभिन्न खाले परीक्षण भइसक्यो सत्ता समीकरणको। गठबन्धन भन्ने बित्तिकै सबैकुरा आफूले भनेको जस्तो हुँदैन। त्यो कुरा साथीहरूले बुझ्नुभएको छ। यद्यपि कतिपय साथीहरूको गुनासो छ। तथापि गठबन्धनका विषयमा फेरि प्रतिकूल विचार केही आएको छैन। डेलिभरी अझ राम्रो हुनुपर्छ, पार्टीबाट गएका मन्त्रीहरूले राम्रो काम गर्नुपर्छ भन्ने छ। हाम्रो पार्टीमा अनुशासन भएन। संसदमा र बाहिर रहेका साथीहरूले आफूलाई जे मनमा आयो त्यही बोल्ने काम भयो। व्यक्तिवादी प्रवृत्ति बढी भयो। अनुशासन पार्टीमा कायम गर्नुपर्छ भन्नेकुरा आएको छ।’
आफूलाई मनमा लागेको कुरा बोल्ने र व्यक्तिवादी प्रवृत्ति बढ्दै गएको बारेमा प्रश्न उठेको उनको भनाइ छ। —न्युज एजेन्सी नेपाल
-1746009348.jpg)
