नागरिक उन्मुक्ति पार्टी (नाउपा) का सांसद लालवीर चौधरीले पार्टीका संरक्षक रेशम चौधरीलाई हालै पक्राउ परी सोही दिन रिहा गरिएकोसम्बन्धी घटनामा प्रधानमन्त्री र गृहमन्त्रीबाट जबाफ मागेका छन्।
सोमबार प्रतिनिधि सभाको बैठकमा बोल्दै नाउपा सांसद चौधरीले सर्वोच्च अदालतका कर्मचारी महिमानसिंह विष्टको पत्रका आधारमा रेशम पक्राउ परेको र उक्त पत्र अनधिकृत भनेर सर्वोच्चले भनेपछि रिहा भएको घटनामा सरकारको जबाफ माग गरेका हुन्।
‘महिमानसिंह विष्टले पत्र लेख्ने र पक्राउ गर्ने पत्र काट्नुभएको छ, सर्वोच्च अदालतबाट त्यो फर्जी भनेर भनिएको छ। यतिबेलासम्म पनि सरकारले कहीँकतै अभिव्यक्ति दिएको छैन। यसै सदनमा भोलिकै दिनमा प्रधानमन्त्रीजी, गृहमन्त्रीजीले जबाफ दिनु भएन भनेदेखि हामी सरकार छाड्न बाध्य हुन्छौं,’ उनले भने।
सर्वोच्चका मुद्दा तथा रिट महाशाखाका कर्मचारी विष्टको पत्रकार आधारमा रेशम चौधरीलाई प्रहरीले पक्राउ गरी वैशाख १७ गते करिब पाँच घन्टा डिल्लीबजार कारागारमा राखेको थियो। अनधिकृत पत्र लेख्ने सर्वोच्चका कर्मचारी विष्टलाई भने प्रहरीले पक्राउ गरी अदालतबाट म्याद लिएर अनुसन्धान गरिरहेको छ।
नाउपाबाट केपी शर्मा ओली नेतृत्वको संघीय सरकारमा एक राज्यमन्त्री छन्।
यो पनि: रेशम चौधरीलाई थुन्न सर्वोच्चले पठाएको अनधिकृत पत्र प्रकरणको विस्तृत
