नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले सरकारको बेथिति, अविवेक र असफलताले जनतामा व्यवस्थाप्रति नै मोहभंग बढाउँदै लगेको बताएका छन्। प्रतिनिधि सभाको बैठकलाई मंगलबार सम्बोधन गर्दै उनले आठ महिनाअघिसम्म देशमा त्यस्तो ठूलो असन्तोष नभएको र माइतीघर मण्डल पनि लगभग खाली हुँदै गएको बताएका हुन्।
उनले एकातिर सरकारका गलत क्रियाकलापका विरूद्ध र अर्कातिर प्रतिगामी चलखेलकाविरूद्ध एकैसाथ जुध्नुपर्ने विशिष्ट स्थिति सिर्जना भएको पनि बताए।
‘हामीले एकातिर सरकारका गलत क्रियाकलापका विरूद्ध र अर्कातिर प्रतिगामी चलखेलकाविरूद्ध एकैसाथ जुध्नुपर्ने विशिष्ट स्थिति सिर्जना भयो,’ उनले भने।
उनले इतिहासका गौरवपूर्ण कालखण्डलाई आज सबैले अझ विवेक तथा कृतज्ञताका साथ स्मरण गर्नुपर्ने बेलाएको बताए।
‘किनकी त्यो सहादतबाट प्राप्त उपलब्धीमाथि अहिले प्रतिगमन र प्रतिक्रान्तिको तरबार चलाउने सपना देखिँदैछ। त्यसकारण हामीले विशेष ढंगले स्मरण गर्न जरुरी छ। जनताको बलिदानीपूर्ण संघर्षबाट प्राप्त उपलब्धीलाई उल्ट्याउने कोसिस हुँदैछ,’ उनले भने।
-1742801159.jpg)
