दैलेखको दुल्लु नगरपालिका-५ मा नेकपा (एमाले) उम्मेदवार विजयी भएका छन्।
निर्वाचन आयोगका अनुसार आइतबार राति सम्पन्न मतगणनाबाट एमालेका लालबहादुर शाही ५७४ मत प्राप्त गर्दै विजयी भएका हुन्।
२०७९ को चुनावमा पनि यहाँ एमालेकै पूर्णप्रसाद उपाध्याय निर्वाचित भएका थिए। त्यतिबेला उनले ६४३ मत ल्याएका थिए।
उपनिर्वाचनमा कांग्रेसका रेशमबहादुर शाहीले ५७१ मत ल्याउँदा माओवादी केन्द्रका ढकेन्द्रबहादुर शाहीले २७८ मत ल्याए।
राष्ट्रिय स्वतन्त्र पार्टीका रामबहादुर शाहीले ५३ मत ल्याएका छन्।
