पद्मकन्या बहुमुखी क्याम्पसमा मंगलादेवी सिंह फाउन्डेसनले ५ लाख राशीकाे अक्षयकाेष स्थापना गरेकाे छ।
फाउन्डेसनका तर्फबाट सिर्जना सिंहले अक्षय काेषका लागि ५ लाख राशीकाे चेक क्याम्पस प्रमुखलाई हस्तान्तरण गरेकी छन्।
पद्मकन्या क्याम्पसमा बुधबार एक कार्यक्रम गरी अक्षयकाेष स्थापना गरिएकाे हाे।
पद्मकन्याकाे राजनीति शास्त्रका विद्यार्थीका लागि प्रत्येक वर्ष अक्षयकाेषबाट छात्रवृत्ति दिइनेछ।
क्याम्पस प्रमुख जयालक्ष्मी प्रधानले अक्षयकाेष स्थापनाले आफूहरू उत्साही भएकाे भन्दै फाउन्डेसनलाई धन्यवाद दिएकी छन्।
उनले पद्मकन्या स्थापनामा समेत मंगलादेवीकाे भूमिका महत्त्वपूर्ण रहेकाे बताइन्।
फाउन्डेसनकाे तर्फबाट सिंहले नेपालकाे राजनीतिमा मंगलनलेवीकाे भूमिका महत्त्वपूर्ण रहेकाे बताइन्।
महिलाहरूका लागि छुट्टै विद्यालय र क्याम्पस स्थापनाका लागि मंगलादेवीले गरेकाे संघर्षकाे उनले चर्चा गरेकी थिइन्।
