'जहाँबाट आतिथ्यको सुरूआत हुन्छ’ भन्ने मूल मन्त्रसहित होटल पौवाले आफ्नो १६औं शाखा चितवनको भरतपुरमा सञ्चालनमा ल्याएको छ।
नयाँ शाखाको उद्घाटनसँगै तीन दिनसम्म नेपाली खाना प्रवर्धन कार्यक्रम आयोजना हुने पौवाले जनाएको छ। जसमा देशभरका पौवाका शाखाबाट आएका सेफहरूले आफ्ना परिकार प्रदर्शन गर्ने छन्।
होटल पौवाको ब्रान्डिङ विभाग प्रमुख विष्णु भण्डारीका अनुसार उद्घाटन समारोह र खाना प्रवर्धनका लागि चितवन, नवलपुर र आसपासमा झण्डै ४० हजार पाहुनालाई निमन्त्रणा गरिएको छ।
पौवाका अध्यक्ष दुर्गाप्रसाद भण्डारीले चुनौतीपूर्ण लगानी वातावरणकाबीच पनि हस्पिटालिटी व्यवसायलाई देशभर विस्तार गरिरहेको बताए।
उनका अनुसार पौवाले ‘आतिथ्यता र स्वाद’लाई आफ्नो मिसनको केन्द्रमा राखेको छ।
उपाध्यक्ष ध्रुवराज न्यौपानेले ‘मिसन एक सय पौवा होटल’ अभियानमार्फत नेपाली स्वादलाई विश्वस्तरमा पुर्याउने लक्ष्य लिएको बताए।
उनका अनुसार चितवन शाखामा लक्जरी कोठा, विवाह तथा कर्पोरेट कार्यक्रमका हल, गार्डेन र रेस्टुरेन्टसहितका सुविधा उपलब्ध छन्।
रुपन्देहीको सालझण्डीबाट सुरू भएको पौवाको यात्रा अहिले १६ शाखासम्म पुगेको छ।
होटल पौवाले देशभर एक हजार भन्दा बढी रोजगारी सिर्जना गर्दै हस्पिटालिटी क्षेत्रमा नेपाली स्वाद र सत्कारको नयाँ परिभाषा स्थापित गरेको जनाएको छ। होटल पौवामा २५० भन्दा बढी लगानीकर्ता संलग्न छन्।
यो पनिः
सात कोठाबाट सुरू ‘पौवा’ का पुगे १६ होटल, लक्ष्य–१०० पुर्याउने
-1746009348.jpg)
