नेपाली सेनाले सितापाइलामा पेट्रोलपम्प सञ्चालनमा ल्याएको छ।
सैनिक कल्याणकारी कोषको व्यवस्थापनमा काठमाडौं महानगरपालिका वडा नम्बर १३स्थित बाहिटी, सितापाइलामा रिपुमर्दिनी पेट्रोलपम्प शुक्रबारदेखि सञ्चालनमा आएको हो।
प्रधान सेनापति प्रभुराम शर्माले उक्त पम्पको उद्घाटन गरेका हुन्। उक्त पम्पमा ५० हजार लिटर पेट्रोल र ५० हजार लिटर भण्डारण क्षमता छ।
नेपाली सेनाको कोषमार्फत काठमाडौंको भद्रकाली, ललितपुरको लगनखेल, सुनसरीको इटहरी, रूपन्देहीको बुटवल र तनहुँको खैरेनीटारमा पम्पहरू सञ्चालनमा छन्।
त्यसैगरी प्रधान सेनापति शर्माले छाउनीमा २० परिवार क्षमताको अधिकृत परिवार आवास गृह समेत उद्घाटन गरेका छन्।
