केएमसी विद्यार्थी उत्प्रेरक समितिद्वारा आयोजित बहुप्रतिक्षित वार्षिक कार्यक्रम २०८१ केएमसी ललितपुरको प्राङ्गणमा सम्पन्न भएको छ।
केएमसी ललितपुर, एओसी र एसिसिद्वारा प्रायोजित प्रस्तुत कार्यक्रम सिग्नेचर कार्यक्रमको रूपमा स्थापना गरिएको हो।
केएमसी ललितपुरको खुला प्राङ्गणमा बिहान १० बजेदेखि आरम्भ भएको कार्यक्रममा एसइई दिएर बसेका देशभरका विभिन्न विद्यालयका विद्यार्थीको उत्साहजनक सहभागिता थियो।
उक्त कार्यक्रममा करिब ३ हजार जनाको उपस्थिति थियो। कार्यक्रममा मौलिक परम्परा झल्किने सांस्कृतिक झाँकीसमेत प्रस्तुत गरिएको थियो। नृत्य, गायन, बाँसुरी वादन आदिको आकर्षक प्रस्तुतिले दर्शकको मन जित्न सफल भयो।
यस वर्षको कार्यक्रममा समीर श्रेष्ठ (फिट गुड बोइज), प्रजिना फिट रेगन, सुशान्त घिमिरे (रा.रागा),अचल शाही ठकुरी जस्ता कलाकारले मनमोहक प्रस्तुति दिए।
विद्यार्थीमा अन्तर्निहित क्षमतालाई प्रस्फुटन गर्ने उद्देश्यले केएमसी ललितपुरले विगतदेखि नै निरन्तर विभिन्न अतिरिक्त क्रियाकलाप गर्दै आएको जानकारी दिइएको छ।
