अर्थमन्त्री डा. युवराज खतिवडाले आगमी तीन महिनामा बिनियोजनको दुई तिहाई बजेट खर्च गर्न सम्बन्धित मन्त्रालयका सचिवहरुलाई निर्देशन दिएका छन्।
आइतबार अर्थ मन्त्रालयमा बजेटको कार्यान्वयनको समिक्षा कार्यक्रममा वोल्दै अर्थमन्त्री खतिवडाले धेरै पुँजीगत बजेट विनियोजन भएका मन्त्रालयका सचिवहरुलाई बाँकी अवधिमा बजेटको सही परिचालन गर्न निर्देशन दिएका हुन्।
उनले सबै मन्त्रालयले अधिकतम प्रयास गरी बैशाख मसान्तसम्ममा दुई तिहाई पुँजिगत खर्चको नतिजा ल्याउन धेरै बजेट भएका मन्त्रालयलका सचिवहरुलाई निर्देशन दिएका थिए।
यो आर्थिक वर्षका लागि ३ खर्ब १३ अर्ब पुँजीगत बजेट विनियोजन भएपनि बैशाख ८ गतेसम्म जम्मा १ खर्ब १२ अर्बमात्र खर्च भएको छ।
बैशाखभित्रै बिनियोजनको तिहाई बजेट खर्च गर्नेगरी का मगर्न धेरै बजेट पाएका मन्त्रालयलाई अर्थले निर्देश दिएको छ। अहिले ३५ प्रतिशत भएको खर्चलाई अबको १८ दिनमा ६० पु¥याउन अर्थले निर्देशन दिएको हो।
कतिपय मन्त्रालयले भौतिक काम भएपनि भुक्तानीमा ढिला हुँदा प्रगति देखिन नसकेको भन्दै बैशाख मसान्तसम्म भौतिक प्रगतिअनुसारको भुक्तानी गर्न अर्थमन्त्रीले निर्देशन दिएका छन्।
‘अब कुनै पनि बहानाबाजी अव चल्दैन, बैशाख मसान्तभित्रमा भौतिक प्रगतिको अनुपातमा वित्तिय प्रगति पनि देखिने गरि काम गर्नुहोस’ उनले उक्त कार्यक्रममा निर्देशन दिंदै भने,‘ चाहेमा एक महिनामा धेरै काम गर्न सकिन्छ।’
बैशाख मसान्तसम्मको मन्त्रालयहरुको पूँजीगत खर्चको अनुपातमा आगामी वर्षको लागि बजेट विनियोजन गर्ने आधार तयार हुने र सोही कार्यसम्पादनको आधारमा आगामी वजेट विनियोजन गरिने खतिवडाले स्पष्ट पारे।
सरकारलाई बदनाम बनाउनकै लागी पुसमा सम्पन्न भएका कामको रकम पनि असारमा दिने गरिएको भन्दै सम्पन्न भएका परियोजना तथा आयोजनाहरुको रकम तत्काल भुक्तानी गर्न सम्बन्धित मन्त्रालयका सचिवहरुलाई खतिवडाले सचेत गराएका छन्।