ललितपुरको कुपण्डोलस्थित पाटन कलेज फर प्रोफेसनल स्टडीजले पहिलो दीक्षान्त समारोह मनाएको छ। यो बेलायतको युनिभर्सिटी अफ बेडफोरसायर विश्वविद्यालयबाट सम्वन्धनप्राप्त कलेज हो।
पुर्व प्रधानमन्त्री एवं नेकपाका वरिष्ट नेता माधव कुमार नेपालको प्रमुख आतिथ्यतामा काठमाडौंको होटल सोल्टीमा आयोजित समारोहमा बीएससी आँनर्स कम्प्युटर साइन्स एण्ड साफ्टवेयर इन्जिनियरिङ अध्ययन गरेका २० विद्यार्थी दीक्षित भए।
समारोहमा नेपालले दीक्षित विद्यार्थीहरुलाई बधाई दिँदै उज्जवल भविष्यका लागि शुभकामना व्यक्त गरे। क्याम्पसका अध्यक्ष ई. पंकज जालानले दीक्षित विद्यार्थीहरुलाई बधाई तथा शुभकामना दिँदै सरकार तथा निजी संस्थाको सहकार्यबाट शैक्षिक क्षेत्रको विकास गर्न सकिने बताए।
कलेजका संस्थापक परमानन्द केजरीवालको अध्यक्षतामा सम्पन्न सो समारोहमा विश्वविद्यालयको तर्पmबाट सह उपकुलपति डा. अशरफ जावेदले विद्यार्थीहरुलाई दीक्षित गराएका थिए। साथै सो कार्यक्रममा विशेष अतिथीको रुपमा नेपाल ब्रिटेन चेम्बर अफ कमर्शका अध्यक्ष राजेन्द्र खेतानको पनि सहभागिता थियो।