भोटेकोशी गाउँपालिका अन्तर्गत विभिन्न विद्यालयहरूमा रोजगारीको अवसर खुलेको छ।
गाउँपालिकाले करार सेवामा विज्ञान (मावि), नृत्य (प्रावि), नेपाली (आवि) र कम्प्युटर विषय (मावि)का १/१ जना गरी चार जना शिक्षक माग गरेको हो।
विज्ञान शिक्षकको योग्यता स्नातक वा सो सरह उत्तीर्ण गरी अध्यापन अनुमति पत्र प्राप्त गरेको, नृत्य प्रशिक्षकले कुनै पनि विषयमा +२ वा सरह उत्तीर्ण गरी कल्चरल डान्समा डिप्लोमा गरेको, सम्बन्धित विषयमा +२ वा सो सरह उत्तीर्ण गरी अध्यापन अनुमति पत्र प्राप्त गरेको र कम्प्युटर प्रशिक्षकले कम्प्युटर इन्जिनियरिङ/इन्फरमेसन टेक्नोलोजी/सफ्टवेयर इन्जिनियरिङ/कम्प्युटर सिस्टम इन्जिनियरिङ विषयमा डिप्लोमा गरेको हुनु पर्नेछ।
मावि तहको लागि परीक्षा दस्तुर एक हजार रूपैयाँ, प्रावि तहको लागि परीक्षा दस्तुर पाँच सय रूपैयाँ र आवि तहको लागि सात सय रूपैयाँ लाग्नेछ।
इच्छुकले माघ १७ गतेसम्म भोटेकोशी गाउँपालिकाको नाममा रहेको नबिल बैंकको खातामा रकम जम्मा गरी भौचर पेश गर्नु पर्नेछ।
