युएसएआइडीको स्रोत मार्फत सरकारले सञ्चालन गरेका तीन वटा कार्यक्रम तत्कालको लागि प्रभावित भएका छन्।
युएसएआइडी (अमेरिकी सहयोग नियोग) ले ९० दिनको लागि कार्यक्रम स्थगित गर्नको लागि अर्थमन्त्रालयलाई पत्र पठाएको थियो।
'अन बजेट, अन ट्रेजरी' अन्तर्गत अहिले युएसएआइडीको ७ करोड १७ लाख डलर बराबरको कार्यक्रम सञ्चालनमा छन्।
अर्थमन्त्रालयका अनुसार ९० दिनको लागि तीन वटा कार्यक्रम अहिले प्रभावित भएका छन्।
अर्थ मन्त्रालयले सूचना जारी गर्दै जैविक विविधता, प्रदेश एवं स्थानीय शासन सुदृढीकरण कार्यक्रम र जलवायु उत्थानशील नगरपालिका सेवा कार्यक्रम रोकिएको जनाएको हो। यी कार्यक्रम डिजाइनको क्रममा रहेको थियो।
यी कार्यक्रम सम्झौता समेत हुन बाँकी भएकाले कुनै सहयोग प्राप्त हुन नसकेको मन्त्रालयका प्रवक्ता श्याम प्रसाद भण्डारीले जानकारी दिएका छन्।
