आइतबार सेयर बजार परिसूचक नेप्से ५८ दशमलव ६३ अंकले बढेर २६८२ बिन्दुमा पुगेको छ।
कारोबारमा आएका तीन सय २८ लगानी उपकरणमध्ये दुई सय ७४ वटाको मूल्य बढेको छ, ४१ वटाको मूल्य घटेको छ। बाँकीको मूल्य स्थिर छ।
दिनभर बजार बढ्दा ८ वटा कम्पनीको सेयर मूल्य बढेर सर्किट लागेका छन्।
आज सप्तकोशी डेभलपमेन्ट बैंक र जोशी हाइड्रोपावरका लगानीकर्ताले सबैभन्दा धेरै कमाएका छन्। यी दुई कम्पनीको सेयर मूल्य १० प्रतिशतले बढेको छ।
ग्रीन डेभलपमेन्ट बैंक, नारायण डेभलपमेन्ट बैंक, सिन्धु विकास बैंक, भुगोल इनर्जी डेभलपमेन्ट कम्पनी र एसिया हाइड्रोपावरको मूल्य ९.९९ प्रतिशतले बढेको छ। यस्तै हिमस्टार उर्जाको सेयर मूल्य पनि ९.९८ प्रतिशतले बढेको छ।
यी कम्पनीहरूको सेयर मूल्य २८ देखि १०४ रूपैयाँसम्म बढेको छ।
-1746009348.jpg)
