गैरआवासीय नेपाली संघ (एनआरएनए) माल्टाले मे १४ मा नेपाल महोत्सवको आयोजना गर्ने भएको छ।
नेपाली नव वर्ष २०८२ को अवसर पारेर गर्न लागिएको नेपाल महोत्सवमा नेपाली कला संस्कृति झल्काउने विभिन्न कार्यक्रम हुने आयोजकले जनाएको छ।
'नेपाललाई विश्व सामु चिनाऔं' भन्ने अभियानका साथ कला, संस्कृति, पर्यटन प्रवर्द्धन अनि नेपाल र माल्टा बीचको संस्कति आदााप्रदान, दुई देशको सम्बन्धलाई प्रगाढ बनाउने हाम्रो उद्देश्य हो,' एनआरएनए माल्टाका अध्यक्ष रेमलाल खनाल (रेम्स) ले भने, 'विदेशमा मिनी नेपाल झल्काउने उद्देश्यका साथ गर्न लागिएको कार्यक्रममा युरोपका विभिन्न देशमा रहेका नेपालीहरूको सहभागिता रहने हाम्रो अपेक्षा छ। त्यस्तै माल्टाका उच्च अधिकारीहरूको सहभागी हुनेछन्।'
कार्यक्रमको संरक्षक नेपाली दूतावास स्पेन बनेको अनि पर्यटन मन्त्रालय र नेपाल पर्यटन बोर्डसँग सहकार्य गरिएको उनले बताए।
माल्टमा रहेका विभिन्न संघ, संस्था र व्यवसायीहरूले कार्यक्रमलाई सहयोग गरेका छन्।
