निरूको शब्दमा निशान भट्टराईको स्वर-कोरेर मिठा भावहरू, मेटाउन नखोज है…


‘कोरेर मिठा भावहरू, मेटाउन नखोज है

बटुलेर विश्वासहरु, टुटाउन नखोज है…’

पत्रकार निरू त्रिपाठीको प्रस्तुतीमा ‘कोरेर मिठा भावहरू, मेटाउन नखोज है…’ बोलको म्यूजिक भिडियो शुक्रबार सार्वजनिक भएको छ ।

निरू त्रिपाठी ‘देव ललिता’को शब्द, संगीतकार वी.पी वाग्लेको संगीत रहेको यस गीतलाई नेपाल आईडलबाट उत्कृष्ट प्रस्तुती सहित दोस्रो स्थान हासिल गर्न सफल निशान भट्टारईले स्वर दिएका छन् ।

म्यूजिक भिडियोमा नेपाली रंगमन्चका कलाकार राजन खतिवडा तथा पत्रकार निरु त्रिपाठी स्वयम्ले अभिनय गरेकी छिन्। यस म्यूजिक भिडियोको निर्देशन नवीन भट्टले, सम्पादन सन्तोष  भारद्वाजले गरेका छन् भने छायाङ्कनमा राजन लामाको छ।

साहित्य लेखन र नाटक पटकथामा विशेष रुचि राख्ने देवललिताले यो गजल सात वर्ष अगाडि लेखेकी थिइन्। पहिलो गीत रेकडिङ पुरानै सृजनाबाट गर्ने पहिलेदेखिको सोच भएकोले यो गीत निकालेकी हुन्। कलाकार राजन खतिवडा तथा पत्रकार देवललिता दुवैको यो पहिलो म्यूजिक भिडियो हो।

Share:

© 2017 Setopati Sanchar Pvt. Ltd.