महोत्तरीको जलेश्वर नगरपालिकाको मेयर र उपमेयरमा जनता समाजवादी पार्टी नेपालले जितेको छ।
निर्वाचन आयोगका अनुसार जलेश्वरको मेयरमा जसपा नेपालका सुरेश साह सोनारले ७३०६ मत ल्याएर विजय प्राप्त गरेका हुन्। उनका निकटतम् प्रतिद्वन्द्वी लोसपा नेपालका रामशंकर मिश्रले ५४३० मत पाएका छन्।
त्यसैगरी जलेश्वरको उपमेयरमा पनि जसपा नेपालकै रौशन खातुनले ५८२३ मत ल्याएर जितेकी छन्। उनका निकटतम प्रतिद्वन्द्वी नेकपा (एमाले) की मुनचुन देवीले ४९०१ मत पाएकी छन्।
