सुनसरी-१ मा जनता समाजवादी पार्टीका उम्मेदवार अशोक राईले मतान्तर घटाएका छन्।
जसपाले निरन्तर मतान्तर घटाउँदै लैजाँदा सुनसरी-१ को मतगणना रोचक बनेको छ।
धरान उपमहानगरको मत गणना सकिँदा राईले राष्ट्रिय स्वतन्त्र पार्टीकी उम्मेदवार गोमा तामाङसँगको मतान्तर १९२ मा झारेका छन्।
अहिलेसम्म पनि अग्रतामै रहेकी तामाङले अहिलेसम्म ११ हजार ५३३ मत पाउँदा जसपाका राईले ११ हजार ३४१ मत पाएका छन्। जसपाका राईलाई यहाँ एमालेको समर्थन छ।
सत्ता गठबन्धनका माओवादी उम्मेदवार मुक्सामहाङ सुब्बा अहिलेसम्म ९०४७ मत प्राप्त गरेर तेस्रो स्थानमा छन्।
