गायक रामकृष्ण ढकालले अस्ट्रेलियाका विभिन्न सहरमा सांगीतिक प्रस्तुति दिने भएका छन्।
केही समयको अन्तरालपछि आफू एक महिना लामो सांगीतिक टुरका लागि अस्ट्रेलिया जान लागेको ढकालले बताएका छन्।
सांगीतिक यात्राका क्रममा दर्शक तथा स्रोतासँग साक्षात्कार गर्ने तयारी गरेका छन्।
उनको 'रामकृष्ण ढकाल अस्ट्रेलिया टुर' नामक सांगीतिक भ्रमणको सुरूआत त्यहाँको प्रमुख सहर सिड्नीबाट हुँदैछ।
२८ सेप्टेम्बरमा सिड्नीमा कार्यक्रम तय छ। त्यहाँको रकडेलमा रहेको इन्द्रेणी फङ्सन सेन्टरमा उनको प्रस्तुति हुनेछ। कार्यक्रमलाई पाल्पा सर्भिसेसले प्रस्तुत गरेको हो।
यो सांगीतिक टुरका लागि आफू उत्साहित रहेको गायक ढकालले बताएका छन्। उनले आफ्ना नयाँ र पुराना गीत–संगीत प्रस्तुत गर्नेछन्।
