आर्टमान्डुको नयाँ म्युजिकल फिल्म 'पञ्चमी मेला' सार्वजनिक भएको छ।
शुक्रबार आर्टमान्डुले आफ्नो युट्युब च्यानलमार्फत गीत सार्वजनिक गरेको हो। आर्टमान्डुले यसपटक म्युजिकल फिल्ममार्फत पाँचथरको पञ्चमी बजारको कथा भनेको छ। गीतमा गायिका अञ्जु पन्त र गायक भुषण खतिवडाले स्वर दिएका छन्। हर्क साउदको शब्द रहेको गीतमा भुषणले संगीत भरेका छन्।
नवीन चौहान र केर कोइँच लिनुचले निर्देशन गरेको म्युजिक भिडिओमा मिलन खत्री, चन्दा ढुंगाना, अन्वेश थुलुङ राई, ओम कार्की, नरेन्द्र बस्नेत, केदीप बस्नेत लगायतको अभिनय छ।
योगेश ढकालले छायांकन गरेको गीतलाई कृष्ण भण्डारीले सम्पादन गरेका हुन्।
यसअघि आर्टमान्डुका 'पाहुना हजुर, फूलथुंगे रानी, तीनपाते, घुमीघुमी, चन्द्रमा, के माया लाग्छ र' लगायत गीत लोकप्रिय छन्। हाल आर्टमान्डु फिल्म 'ऊनको स्वीटर' निर्माण तयारीमा छ।
