बलिउड अभिनेता नवाजुद्दीन सिद्दीकी यतिबेला आफ्नो आगामी फिल्म 'कोस्टाओ' को प्रचारप्रसारमा व्यस्त छन्।
भारतीय सञ्चारमाध्यम दैनिक भास्करका अनुसार उनले फिल्म प्रचारको क्रममा बलिउडलाई चोर भनेका छन्।
'सुरूदेखि नै हामी चोर हौं, हाम्रो उद्योग चोर रह्यो। हाम्रले गीत चोरी गर्यौं, हाम्रले कथा चोरी गर्यौं। जो चोर हुन्छ, ऊ कसरी क्रिएटिभ हुन सक्छ? यो सत्य हो। हामीले साउथको चोरी गर्यौं, कहिले यहाँको त कहिले त्यहाँको। जसलाई हामी सो कल्ड फिल्म भन्छौं। जुन खुब हिट भए, त्यो पनि चोरी कै हो। हामीले यस कुरालाई निकै सामान्य बनाइसक्यौं। यस क्षेत्रबाट तपाई के आशा गर्नूहुन्छ। अभिनेता पनि कस्तो आउँछन्,' उनले भनेका छन्।
सिक्वेल बनाउने चलनलाई उनले बलिउडको सबैभन्दा नराम्रो कुरा भनेका छन्। उनले भने, 'अहिले हरेक फिल्ममा २,३,४ वटा सिक्वेल हुन्छन्। जसरी कुनै व्यवसाय टाट पल्टिन्छ नि त्यसरी नै बलिउडमा रचनात्मकताको खडेरी छ। गरिबी निकै धेरै छ।'
