केही समयअघि बलिउड अभिनेता गोविन्दा र उनकी श्रीमती सुनीता आहुजाको डिभोर्स हुन लागेको चर्चा चलेको थियो।
उनीहरूले विवाहको ३७ वर्षपछि डिभोर्स गर्न लागेको बताइएको थियो। हालै गोविन्दाकी श्रीमतीले यस विषयमा कुराकानी गरेकी छन्।
'मान्छेहरूले नकारात्मक कुरा गरेपनि मैले सकारात्मक तरिकाबाट लिन थालिसकेकी छु। मान्छेहरू कुकुर हुन् भुकिरन्छन्। जबसम्म म वा गोविन्दा हाम्रो सम्बन्धलाई लिएर केही कुरा गर्दैनौं तबसम्म कसैले केही कुरा नपत्याउनु,' उनले भारतीय सञ्चारमाध्य दैनिक भास्करसँग कुराकानी गर्दै भनेकी छन्।
गोविन्दाको ३० वर्षकी मराठी अभिनेत्रीसँग प्रेम सम्बन्ध भएपछि डिभोर्स हुन लागेको बताइएको थियो।
गोविन्दा र सुनीताले ११ डिसेम्बर १९८७ मा विवाह गरेका थिए।
