बलिउड अभिनेता शाहरूख खानकी श्रीमती गौरी खानले हालै मुम्बईको दादर वेस्टमा एक आलिशान अपार्टमेन्ट बेचेकी छन्।
भारतीय सञ्चारमाध्यम नवभारत टाइम्सका अनुसार ११ करोड भारूमा बेचेकी हुन्। उनले सन् २०२२ मा ८ करोड भारूमा उक्त अपार्टमेन्ट किनेकी थिइन्।
यो अपार्टमेन्टमा कोहिनूर अल्टिसिमा बिल्डिङमा छ। गौरीले बेचेको अपार्टमेन्ट १८४.४२ वर्ग मिटरमा फैलिएको छ। यस अर्पामेन्टको लागि दुई कार पार्किङ स्थान छ।
शाहरूख खानले सन् २०२३ मा 'पठान', 'जवान' र 'डंकी' जस्ता सुपरहिट फिल्मबाट कमब्याक गरेका थिए। तीन फिल्मले बक्स अफिसमा शानदार प्रदर्शन गरेका थिए। अब उनी 'किङ' मा देखिँदैछन्। यो बाहेक उनी आफ्नो छोरा आर्यन खानको शोमा पनि काम गर्दैछन्।
