बलिउड अभिनेता सलमान खानको फिल्म 'सिकन्दर' ले कमजोर ओपनिङ गरेको छ।
भारतीय सञ्चारमाध्यम नवभारत टाइम्सका अनुसार फिल्मले विश्वभरबाट ४१ करोड भारू कमाएको छ। भारतबाट मात्रै फिल्मले २६ करोड भारू कमाएको हो।
इदको अवसर पारेर आइतबार प्रदर्शन गरिएको फिल्मले राम्रो ओपनिङ गर्ने फिल्मकर्मीको आशा थियो।
एआर मुरुगादास निर्देशित फिल्ममा सलमान खान र रश्मिका मन्दनाको मुख्य भूमिका छ। उनीहरूको केमेस्ट्रीलाई दर्शकले मनपराइरहेका छन्।
