सन् २०१९ को सुपरहिट फिल्म 'लुसिफर' को दोस्रो पार्ट 'एल २ एम्पुरान' रिलिज भएको छ।
फिल्म रिलिज भएपछि विवाद सुरू भएको छ। राजनेता पनि फिल्मको आलोचना गरेका छन्। केरल बिजेपी चिफ राजिव चन्द्रशेखरले फिल्मलाई बायकट गर्ने माग गरेका छन्।
फिल्मको विवाद बढ्दै गएपछि मेकर्सले १७ दृश्य काटेका थिए। अब यस विषयमा अभिनेता मोहनलालले बोलेका छन्।
'यस फिल्मको केही राजनीतिक-सामाजिक विषयले धेरैलाई निराश बनाएको छ। एक कलाकार भएको नाताले म यो सुनिश्चित गर्नु मेरो कर्तव्य हो कि यो फिल्मले कुनै राजनीतिक आन्दोलन, विचार या धर्मप्रति घृणा फैलाउँदैन' उनले फेसबुकमा लेखेका छन्, 'यो जिम्मेदारी हामी सबैको हो। त्यसैले हामीले फिल्मको केही दृश्य हटाउने निर्णय लिएका छौं।'
दर्शकले फिल्म मेकरमाथि हिन्दु विरोधी भएको आरोप लगाएका छन्। फिल्मका निर्देशक पृथ्वीराज सुकुमारनमाथि हिन्दुको विरोधी भएको र प्रोपेगन्डा फैलाएको आरोप छ। यसैबीच भारतीय फिल्म सेन्सर बोर्डले फिल्ममा गुजरात दंगाको दृश्य देखाएको प्रति एक्सन लिएको हो।
