बलिउड तथा हलिउड अभिनेत्री प्रियंका चोपडाले अंधेरीस्थित आफ्नो ४ अपार्टमेन्ट बेचेकी छन्।
भारतीय सञ्चारमाध्यम नवभारत टाइम्सका अनुसार उनले १६ करोड १७ लाख भारूमा ४ अपार्टमेन्ट बेचेकी हुन्। यी सबै अपार्टमेन्ट सचदेवा परिवारले किनेका छन्। जसको नाम रजिनी त्रिलोक सचदेवा, श्रुति गौरव सचदेवा, स्नेहा डांग सचदेवा, रौनक त्रिलोक सचदेवा हो।
प्रियंका विवाहपछि अमेरिका बस्दै आएकी छन्। त्यहाँ उनी श्रीमान र छोरीसँगै बस्दै आएकी छन्। उनी परिवारलाई भेट्न कहिलेकाहीँ भारत आउँछिन्।
अब उनी एस एस राजामौलीको फिल्ममा देखिने चर्चा छ। फिल्ममा महेश बाबूको पनि मुख्य भूमिका रहनेछ। उनी पछिल्लो समय बलिउड फिल्म 'द स्काई इज पिंक' मा देखिएकी थिइन्। यो फिल्म सन् २०१९ मा रिलिज भएको थियो। फिल्ममा फरहान अख्तर, जायरा वसीम, रोहित शराफलगायत कलाकारको अभिनय थियो।
