बलिउड अभिनेता कार्तिक आर्यन र अभिनेत्री श्रीलीला प्रेम सम्बन्धमा रहेको चर्चा छ।
उनीहरू छिट्टै अनुराग बसुको निर्देशनमा बन्ने रोमान्टिक फिल्ममा देखिँदैछन्। हालै यस फिल्मको पहिलो झलक सार्वजनिक भएको थियो।
यतिबेला सामाजिक सञ्जालमा एक भिडिओ भाइरल भइरहेको छ। जसमा श्रीलीला कार्तिक आर्यनको परिवारिक समारोहमा डान्स गर्दै गरेको देखिएको छ।
भारतीय सञ्चारमाध्यम लाइभ हिन्दुस्तानका अनुसार कार्तिक आर्यनकी बहिनी कृतिका तिवारीको मेडिकल करियरमा सफलता पाएपछि सानो समारोह राखिएको थियो। यस समारोहमा श्रीलीला पनि सहभागी भएकी हुन्।
सार्वजनिक भिडिओमा श्रीलीला 'पुष्पा २' को गीत 'किस्सिक' मा डान्स गर्दै गरेको देखाइएको छ। यस भिडिओ सार्वजनिक भएपछि कार्तिक र श्रीलीलाको प्रेम सम्बन्धको चर्चा चलेको हो।
एक सामाजिक प्रयोगकर्ताले लेखेका छन्, 'श्रीलीला कार्तिकको घरसम्म पुगिन्। यसको मतलब उसको मम्मीलाई केटी मन पर्याे।'
कार्तिक र श्रीलीलाको आगामी फिल्म २०२५ को दिवालीमा प्रदर्शन हुनेछ। फिल्ममा कार्तिक एक रकस्टारको भूमिकामा देखिनेछन्।
