भारतको सर्वाेच्च अदालतले सोमबार युट्युबर रणवीर अल्लाहबादियालाई आफ्नो पडकास्ट 'द रणवीर शो' फेरि सुरू गर्न अनुमति दिएको छ।
भारतीय दैनिक भास्करका अनुसार अदालतले आफ्नो शोमा केही अश्लील नदेखाउने सर्त राखेको छ। रणवीरले अदालतमा एक आवेदन दायर गरेर उक्त आदेश हटाउन माग गरेका थिए। जसमा शोलाई प्रसारित गर्न रोक लगाइएको थियो।
समय रैनाको शो 'इन्डियाज गट लेटेन्ट' मा अभिभावकमाथि अभद्र टिप्पणी गरेको भन्दै विवाद भएपछि भारतका केही सहरमा उजुरी दर्ता भएको थियो। यसपछि रणवीर अल्लाहबादियाको पडकास्ट 'द रणवीर शो' मा सेलिब्रेटीले आउन अस्वीकार गरेका थिए।
रणवीरले सर्वाेच्च अदालतमा एक याचिका लगाउँदै आफूमाथि गिरफ्तारीको रोक लगाएका थिए। अदालतले १८ फेब्रुअरीमा रणवीरको याचिकामाथि अन्तरिम आदेश दिँदै गिरफ्तारीमा रोक लगाएको थियो। त्यतिबेला अदालतको अर्काे आदेश नआउन्जेल रणवीर र समयलाई कुनै शो प्रसारण नगर्नू भनिएको थियो।
