प्रकाश झाको हिट वेब सिरिज 'आश्रम' को तेस्रो सिजनको दोस्रो पार्ट रिलिज भएको छ।
योसँगै सिरिजका कलाकाले कति पारिश्रमिक लिए भनेर खुलासा भएको छ। भारतीय सञ्चारमाध्यम नवभारत टाइम्सका अनुसार बबी देओलले काशीपूरका निराला बाबाको भूमिका निर्वाह गर्न १ देखि ४ करोड भारूसम्म पारिश्रमिक लिएका छन्।
त्यस्तै अभिनेता चन्दन राय सान्यालले १५ लाख देखि २५ लाख, अदिति पोहनकरले १२ देखि २० लाख, त्रिधा चौधरीले ४ देखि १० लाख, ईशाले २५ लाखदेखि २ करोड, दर्शन कुमारले १५ देखि २५ लाख, अनुप्रिया गायनकाले ८ देखि १५ लाख भारूसम्म लिएको बताइएको छ।
'आश्रम' वेब सिरिजको पहिलो सिजन अगस्त २०२० मा एमएक्स प्लेयरमा रिलिज भएको थियो। यस क्राइम ड्रामामा तुषार पाण्डे, अनिल रस्तोगी, अध्ययन सुमन, माला सिन्हा र हेमन्त चौधरीलगायत कलाकारको अभिनय थियो।
यसको दोस्रो सिजन नोभेम्बर २०२० मा आएको थियो भने तेस्रो सिजन जुन २०२२ मा आएको थियो।
